19.09c
Երեվան
կրկ, հկտ 11
Ռուսական տիզելային վառելանիւթին նկատմամբ պատժամիջոցներու կասեցումը Մոսկուային յաւելեալ եկամուտներ կ՚ապահովէ՝ պատերազմը շարունակելու համար։ Հիմա Ռուսիոյ վրայ ճնշումը թուլացնելու ժամանակը չէ, եւ Եւրոպան այդ քայլը պիտի չկատարէ։ Այս մասին յայտարարած է Եւրոպական Միութեան դիւանագիտական ծառայութեան ղեկավար Քայա Քալաս։
Ան յայտնած է, որ Երկուշաբթի օր ԵՄ-ի արտաքին գործոց նախարարները կը նախատեսեն հաստատել պատերազմին սկիզբէն ի վեր Ռուսիոյ դէմ կիրառուող պատժամիջոցներու ամենածաւալուն փաթեթը։
Աւելի վաղ ԱՄՆ-ի նախագահ Տանըլտ Թրամփ շնորհակալութիւն յայտնած էր Ռուսիոյ՝ տիզելային վառելանիւթ մատակարարելու համաձայնութեան համար։ ԱՄՆ-ի ելեւմուտի նախարարութիւնը ժամանակաւորապէս կասեցուցած էր Ռուսիոյ դէմ սահմանուած պատժամիջոցները։
