14.09c
Երեվան
ուրբ, ապր 25
Միացեալ Նահանգներու Նախագահ Տանըլտ Թրամփ չորեքշաբթի ըսած է, որ Ուքրանիան կրնայ «մոռնալ» Հիւսիսաթլանթեան պայմանագրի կազմակերպութեան (ՆԱԹՕ) միանալու մասին, գրած է apnews.com-ը:
«ՆԱԹՕ, կրնաք մոռանլ այդ մասին: Կը կարծեմ, որ, հաւանաբար, հակամարտութիւնը այս հարցի պատճառով սկսած է», -ըսած է Թրամփ լրագրողներուն՝ Սպիտակ տան մէջ իր գրասենեակի անդամներու նիստ գումարելէն առաջ։
Միացեալ Նահանգներու նախագահն այս մասին ըսած է, երբ լրագրողը հարցուցած է բանակցային սեղանի շուրջ հնարաւոր զիջումներու մասին:
Նշենք, որ Ուքրանիան պատերազմն աւարտելէ ետք ամենայուսալի անվտանգութեան երաշխիքը կը համարէ Քիեւի անդամակցութիւնը ՆԱԹՕ-ին: Սակայն Ռուսիան կը պնդէ, որ Ուքրանիան պէտք է մէկընդմիշտ հրաժարի այդ գաղափարէն եւ ձեռք բերէ չէզոք երկրի կարգավիճակ: ՆԱԹՕ-ի ընդհանուր քարտուղար Մարք Ռիւթէի խօսքով՝ Ուքրանիան պէտք է անդամակցի դաշինքին, սակայն ան որեւէ ժամկէտ չէ նշած:
