9.09c
Երեվան
կրկ, մյս 17
Այսօր Երեւանի մէջ իր մահկանացուն կնքած է Հայաստանի Հանրապետութեան Ազգային Ժողովի նախագահներէն հանդիսացած Բաբգէն Արարքցեան։
Այս մասին տեղեկութիւնը տարածուած է հայրենի լրասփիւռներու կողմէ։
Կը նշուի, որ Արարքցեան եղած է «Ղարաբաղ» կոմիտէի անդամ: 10 դեկտեմբեր 1988-ին ան ձերբակալուած է մինչեւ 31 մայիսը 1989 թուականը։
Բաբգէն Արարքցեան Հայաստանի նորանկախ պատմութեան Ազգային Ժողովի առաջին նախագահն էր։
Արարքցեան ծնած է 1944-ին, Երեւանի մէջ։
Աւարտած է Մոսկուայի պետական համալսարանը՝ մաթեմատիկոսի որակաւորմամբ:
1968-71-ին աշխատած է ԳԱԱ հաշուողական կեդրոնէն ներս։
1977-90-ին Արարքցեան եղած է ԵՊՀ-ի կիրառական թուաբանութեան ամպիոնի վարիչ:
1990-91-ին եղած է ՀՀ ԳԽ նախագահի առաջին տեղակալ։
Արարքեան 1991-95-ին ընտրուած է ՀՀ ԳԽ նախագահ։
1995-ի յուլիս 27-ին ընտրուած է Ազգային Ժողովի նախագահ՝ ըլլալով ՀՀ առաջին գումարման ԱԺ նախագահը։ Այդ պաշտօնէն հրաժարական ներկայացուցած է 1998-ին, ՀՀ առաջին նախագահ Լեւոն Տէր–Պետրոսեանի հրաժարականի հետ միաժամանակ։
2000–ականներուն Բաբգէն Արարքցեան հիմնադրած ու ղեկավարած է «Արմատ» հասարակական կազմակերպութիւնը։
Հանգուցեալը 79 տարեկան էր։
