24.55c
Երեվան
երկ, հնս 22
Երեւան քաղաքի ընդհանուր իրաւասութեան դատարանի Կեդրոն նստավայրին մէջ, դատաւոր Մնացական Մարտիրոսեանի նախագահութեամբ կը շարունակուի քննուիլ քաղաքաշինութեան կոմիտէի նախկին ղեկավար Վահագն Վէրմիշեանի դատավարութիւնը։
Դատական նիստերու դահլիճին մէջ Վահագն Վերմիշեանի ինքնազգացողութիւնը վատացած է եւ դատական նիստը ընդմիջուած է:
Անոր պաշտպան Ալեքսանտր Քոչուպաեւը նշած է, որ խնդիրը կապուած էր գլխուղեղի արեան շրջանառութեան հետ:
Նիստը վերսկսելէն ետք Վէրմիշեանը կոչ ըրած է մէկ վայրկեան լռութեամբ յարգելու Արմէն Գրիգորեանի յիշատակը, քանի որ ճիշդ նոյն դահլիճին մէջ ան օրեր առաջ մահացած էր: Նիստը նախագահող դատաւոր Մնացական Մարտիրոսեանը չէ բաւարարած այդ պահանջը, այդ կոչը համարած է անարգալից վերաբերմունք դատաւորի նկատմամբ եւ 10 ժամով հեռացուցած է Վէրմիշեանը դատական նիստի դահլիճէն:
Վէրմիշեանն ալ արձագանգած է. «Տո քեզ ա պէտք հեռացնել, այ Մացո: Մէկի անունը, որ Մացո լինի, այ անասուն: Նման անասունների պատճառով դարձաւ նահատակ: Սրանց պէտք է դատել, նաեւ գլխաւոր դատախազին, այդ ամենամեծ ստահակին, որին ամբողջ ազգով կանգնած դաւաճան են անուանում»:
Մնացական Մարտիրոսեանը հեռացած է նիստերու դահլիճէն, որմէ ետք ներկաները ոտքի կանգնած են՝ յարգելով Գրիգորեանի յիշատակը, որ մահացած էր նոյն դահլիճին մէջ, նոյն դատաւորի նախագահութեան ժամանակ։
