10.09c
Երեվան
ուրբ, նմբ 08
Թրքական Պոլի քաղաքին մէջ տեղադրած են ազգային հաւաքականի ֆութպոլիստ Մերիհ Տեմիրալի արձանը։ Ան յաւերժացուած է «Գորշ գայլեր» ազգայնական կազմակերպութեան ժեսթը ցուցադրած ատեն։ Տեղեկութիւնը յայտնած են թրքական լրատուամիջոցները։
Թուրք ֆութպոլիստը Եւրօ-2024-ի ժամանակ որակազրկուած է երկու խաղով, քանի որ Աւստրիոյ հաւաքականի նկատմամբ տարած յաղթանակը տօնած ժամանակ խաղադաշտին վրայ ցուցադրած էր այս ժեսթը։
Տեմիրալ նաեւ X ընկերային հարթակով հրապարակած էր իր լուսանկարը, ուր ցուցադրած է «Գորշ գայլեր»ու ժեսթը եւ գրած. «Ինչքան երջանիկ է ան, որ կրնայ ըսել, որ թուրք է»:
Թուրքիոյ եւ Աւստրիոյ հաւաքականներու միջեւ խաղը կայացած էր 2 յուլիսին: Հանդիպումը աւարտած էր 2:1 հաշիւով՝ յօգուտ Թուրքիոյ։ Իսկ յաջորդ խաղին Թուրքիան նոյն` 2։1 հաշիւով պարտութիւն կրած է Հոլանտայի հաւաքականէն ու դուրս մնացած Եւրօ-2024-ի հետագայ պայքարէն։
