30.09c
Երեվան
չրք, հլս 23
Թուրքիոյ Սաքարիա, Պիլեճիք, Էսքիշեհիր, Իզմիր եւ Քարապուք նահանգներուն մէջ բռնկած անտառային հրդեհները մարել դեռ չեն յաջողած:
Այս մասին գրած է ermenihaber.am-ը:
Քամիի հետեւանքով արագ տարածուող կրակի մարման աշխատանքները կը կատարուին օդէն ու ցամաքէն։ Շարք մը գիւղերու մէջ տեղի իշխանութիւնները որոշած են տարհանել բնակիչները։
Ամենաուժգին հրդեհներէն մէկը գրանցուած է Սաքարիայի Կեյվէ եւ Փամուքովա շրջաններու միջեւ, որու հետեւանքով կրակը հասած է հարեւան Պիլեճիք նահանգի գիւղերը։ Նահանգի Քազանճը գիւղին մէջ կրակը բնակելի տուներէն հեռու է ընդամէնը 75 մեթր:
Իզմիրի Ուրլա շրջանին մէջ, ինչպէս նաեւ Էսքիշեհիրի ու Քարապուքի շարք մը հատուածներու մէջ նոյնպէս հրդեհաշիջման աշխատանքներն աշխուժ փուլի մէջ են: Էսքիշեհիրի մէջ կանխարգելման նպատակով տարհանուած է նաեւ Աֆիոնքարահիսար շրջանի գիւղերու բնակչութիւնը։
