13.09c
Երեվան
շբթ, մյս 16
2020-ին աշխարհի մէջ ամենաշատ ռազմական ծախսեր կատարած առաջին 25 երկիրներու ցուցակին վրայ Թուրքիան 17,7 միլիառ տոլարով գրաւած է 16-րդ տեղը։
Սթոքհոլմի խաղաղութեան հետազօտութեան միջազգային հիմնարկը հրապարակած է 2020-ի աշխարհի ամենաշատ ռազմական ծախսեր կատարած 25 երկիրներու անունները՝ ըստ հրապարակուած ռազմական ծախսերու բաց տուեալներուն։
Ըստ այդմ՝ ամբողջ աշխարհի մէջ բանակներուն վրայ 2020-ին ծախսուած է 1 թրիլիոն 981 միլիառ տոլար։
1998-էն ի վեր ռազմական ծախսերը աւելցած են, իսկ 2019-ի համեմատ 2020-ին արձանագրուած է 2,6 տոկոս աճ։
Բանակներուն վրայ կատարուած ընդհանուր ծախսը աշխարհի մէջ կազմած է համաշխարհային ՀՆԱ-ի 2,4 տոկոսը։
Ցուցակը գլխաւորած է ԱՄՆ-ը՝ 778 միլիառ տոլարով, անոր յաջորդած են Չինաստանը, Հնդկաստանը, Ռուսաստանը եւ Միացեալ Թագաւորութիւնը։ 25-րդ տեղը եղած է Ինտոնեզիան՝ 9,4 միլիառ տոլար ռազմական ծախսով։ Թուրքիան գրաւած է 16-րդ հորիզոնականը։
Լուրը՝ Ermenihaber կայքէն
