15.09c
Երեվան
երկ, ապր 28
Թուրքիա-( «Ալ Նահար»- Պէյրութ) AFP -էն Ստանալով իր տեղեկութիւնները Լիբանանեան «Ալ Նահար»ը կը գրէ, որ թուրք ոստիկաններ ձերբակալած են Բրիտանացի լրագրողներ Տիարպէքիրի մէջ: Կը հաղորդուի, որ լրագրողները Vice News գործակալութեան աշխատակիցներ են եւ անոնք երկրի հարաւ- արեւելեան հատուած մեկնած են հետեւելու եւ լուսաբանելու հոն արձանագրուող դէպքերը: Ոստիկանութիւնը ձեբակալման մասին պաշտօնական հաղորդագրութիւն մը հրապարակած է յայտնելով, որ ձերբակալեալները ահաբեկչական գործունէութիւն կը ծաւալեն շրջանին մէջ: Լրագրողները կը կոչուին՝ Ժէյք Հանըրահան եւ Ֆիլիփ Բանտըլպրի: Amnesty International թրքական մարմիններէն պահանջած է արագօրէն ազատ արձակել լրագրողները եւ վերադարձնել անոնց բռնագրաւուած տեսախցիկներն ու լուսանկարչական սարքերը:
