14.52c
Երեվան
երք, հնս 17
Նուիրեալ Հ.Մ.Ը.Մ.ական, «Ծառայութեան» շքանշանակիր՝ եղբ. Խորէն Գույումճեան իր մահկանացուն կնքած է Լիբանանի մէջ:Տխուր լուրը «Արեւելք» ստացաւ Սուրիոյ ՀՄԸՄ-ի դիմատետրեան էջէն։
Ստորեւ ներկայացուած հակիրճ մահագրութիւնը՝
Հ.Մ.Ը.Մ.ի Սուրիոյ Շրջ. Վարչութիւնը սրտի խոր կսկիծով կը գուժէ միութեան «Ծառայութեան» շքանշանակիր եւ հաւատաւոր Հ.Մ.Ը.Մ.ական` ԵՂԲ. ԽՈՐԷն ԳՈՒՅՈՒՄՃԵԱՆ-ի մահը, որ պատահեցաւ Հինգշաբթի, 5 Յունիս 2025-ին, Լիբանանի մէջ։
Եղբ. Խորէն Գույումճեան եղած է սկաուտ, մարզիկ, Հալէպի մասնաճիւղի վարչութեան ատենապետ եւ Սուրիոյ Շրջանային Վարչութեան անդամ։
Իր երկարամեայ ծառայութեան համար Հ.Մ.Ը.Մ.ի Սուրիոյ Շրջ. Վարչութիւնը զինք պարգեւատրած է «Ծառայութեան» շքանշանով։
Մեր ցաւակցութիւնները կը յայտնենք հաւատաւոր եղբօր ընտանիքին եւ հարազատներուն:
Յիշատակը անթառամ կը մնայ Հ.Մ.Ը.Մ.ական սերունդներուն մէջ:
