4.09c
Երեվան
ուրբ, նմբ 21
Տանըլտ Թրամփի վարչակազմը Ռուսիոյ հետ համատեղ կը մշակէ Ուքրանիոյ մէջ ռազմական հակամարտութիւնը դադրեցնելու ծրագիր, հաղորդած է Axios-ը:
Հրատարակութիւնը նշած է, որ 28 կէտէ բաղկացած ծրագիրը ոգեշնչուած է Թրամփի՝ Կազայի պատերազմի լուծման ռազմավարութենէն։ Համաձայնագիրը կը ներառէ չորս հիմնական բաղադրիչ՝ խաղաղութեան հաստատում Ուքրանիոյ մէջ, անվտանգութեան երաշխիքներ, անվտանգութիւն Եւրոպայի մէջ եւ Միացեալ Նահանգներու ապագայ յարաբերութիւններ Ռուսիոյ եւ Ուքրանիոյ հետ։
Axios-ի տուեալներով՝ Թրամփի յատուկ դեսպանորդ Սթիւ Ուիթքոֆը, որ կը ղեկավարէ ծրագրի մշակումը, այն մանրամասն քննարկած է Ռուսիոյ նախագահի յատուկ ներկայացուցիչ Քիրիլ Տմիթրիեւի հետ, երբ ան հոկտեմբերի վերջը այցելած էր Մայամի։
