-0.91c
Երեվան
երկ, մրտ 09
ԱՄՆ նախագահ Տանըլտ Թրամփ «դժգոհ» է, որ Մոժթապա Խամենէին Իրանի կողմէ նշանակուած է երկրի նոր գերագոյն առաջնորդ։ Այս մասին կը հաղորդէ Fox News հեռուստաընկերութիւնը։
Հաղորդավար Պրայըն Քիլմիտը յայտարարած է, որ նոր առաջնորդի ընտրութեան մասին յայտարարութենէն ետք խօսած է ԱՄՆ նախագահի հետ, եւ ան իրեն ըսած է. «Ես դժգոհ եմ»։
Քիլմիտը լրացուցիչ մանրամասնութիւններ չէ տրամադրած։
Աւելի վաղ Թրամփ, լրատուամիջոցներու այն հաղորդագրութիւններէն ետք, թէ Մոժթապա Խամենէին դարձած է Իրանի գերագոյն առաջնորդի պաշտօնի ամենահաւանական թեկնածուն, յայտարարած էր, որ այդ թեկնածութիւնը զինք չի գոհացներ։ ԱՄՆ նախագահը պահանջած էր, որ Իրանի առաջնորդը ընտրելու ժամանակ հաշուի առնուի Միացեալ Նահանգներու դիրքորոշումը, իսկ Իսրայէլը նախազգուշացուցած էր, որ նոր առաջնորդը իր համար պիտի դառնայ թիրախ։
Իրանի նոր գերագոյն առաջնորդի նշանակման մասին յայտարարութենէն ետք The Times of Israel-ին տուած հարցազրոյցի ընթացքին Թրամփ մերժած է մեկնաբանել իրադրութիւնը՝ միայն ըսելով. «Տեսնենք, թէ ինչ պիտի պատահի»։
Աւելի վաղ Փորձագէտներու խորհուրդը ԱՄՆ-ի եւ Իսրայէլի հարուածներու առաջին օրը սպաննուած Իրանի գերագոյն առաջնորդ այաթոլլա Ալի Խամենէիի որդին՝ այաթոլլա Մոժթապա Խամենէին նշանակած էր երկրի գերագոյն առաջնորդ։
