35.09c
Երեվան
չրք, հլս 23
Ֆէյրուզի դուստրը ՝ Ռիմա Ռահպանի հաճելի անակնկալ մը մատուցած է իր մօր երկրպագուներուն։
Ան տեղադրած է մեծ Ֆէյրուզին հետ իր ըրած «սէլֆի» լուսանկարը։
Ռիմա Ռահպանի նկարին կից մասնաւորապէս գրած է ՝ «Սէլֆի... եւ անցեալը ետիս...»
Արաբական ընկերային ցանցերու հազարաւոր օգտատէրեր տարածած են լուսանկարը եւ կրկնած են իրենց երախատգիտութիւնն ու սէր ՝ հանդէպ Ֆէյրուզին։
Նշենք, որ Ռիմա Ռահպանին Ֆէյրուզի եւ Ասի Ռահպանիի երկրորդ զաւակն է։
Ան մասնագիտութեամբ ՝ բեմադրիչ է եւ տարբեր առիթներով ալ հանդէս կու գայ ռահպանի ընտանիքին մասին գրառումներով։
Ֆէյրուզի առաջին զաւակը՝ Զիատ Ռահպանին կը համարուի Լիբանանի արդի երաժշտութեան ամենահանճարեղ դէմքերէն մին, ան նաեւ յայտնի է տասնեակ բեմադրութիւններով, որոնք լուսարձակի տակ կ՚առնեն Լիբանանի բազմաբովանդակ հիմնախնդիրները սկսած քաղաքականէն, անցնելով ընկերային, տնտեսական եւ նոյնիսկ պատկանելիութեան խնդիրները։
