21.09c
Երեվան
ուրբ, սպտ 25
Ս. Իգնատիոս Մալոյեանի պատմական սրբադասումը նոր առիթներ կը ստեղծէ մեծ սուրբին յիշատակը ոգեկոչելու համար։ Այս առիթով Հայ Կաթողիկէ Զմմառու Տիրամօր դարաւոր վանքը իւրայատուկ նախաձեռնութեամբ մը իր 2025-ի կարմիր եւ սպիտակ գինիները նուիրած է հայ կաթողիկէ նահատակ սուրբին յիշատակին։
Ս. Իգնատիոս Մալոյեանի անունը կրող այս յատուկ հրատարակութեան կարմիր եւ ճերմակ գինիները այժմ հասանելի են Զմմառու վանքին մէջ։
«Արեւելք»ի հետեւորդներուն յիշեցնենք, որ Ս. Իգնատիոս Մալոյեան (1869–1915) Հայ Կաթողիկէ Եկեղեցւոյ մեծ նահատակներէն է։ Ծնած՝ Մարտին, ան ծառայեց իբրեւ Մարտինի Հայ Կաթողիկէ թեմի առաջնորդ եւ 1915-ին, Հայոց Ցեղասպանութեան տարիներուն, հաւատարիմ մնաց իր հաւատքին՝ մերժելով ուրանալ Քրիստոսը։ Ան ձերբակալուեցաւ, խոշտանգուեցաւ եւ նահատակուեցաւ իր հաւատքին համար։
Ս. Իգնատիոս Մալոյեան սրբադասուեցաւ 2025-ին՝ դառնալով Հայ Կաթողիկէ Եկեղեցւոյ ամենանշանաւոր սուրբ նահատակներէն մէկը։
Անոր կեանքը այսօր ալ կը մնայ հաւատարմութեան, քաջութեան եւ զոհողութեան վկայութիւն մը։
