16.09c
Երեվան
երք, սպտ 01
Հինգշաբթի տեղի ունեցած իրադարձութիւններէն յետոյ ռուս միլիառատէրերը ընդհանուր առմամբ կորսնցուցած են 39 միլիառ դոլար, ընդ որում, ըստ Forbes-ի, ամենաշատ կրճատուած է Lukoil-ի նախագահ Վակիթ Ալեքփերովի կարողութիւնը:
Ռուսական ֆոնտային շուկան Հինգշաբթի օրը փլուզուեցաւ` հիմնական առքուվաճառքի արդիւնքներով 33,28%-ով: Ռուսաստանի նախագահ Վլատիմիր Փութինի` Ուքրանիոյ մէջ յատուկ ռազմական գործողութիւն սկսելու հրամանէն յետոյ ԱՄՆ-ը, ԵՄ-ը եւ շարք մը այլ երկիրներ պատժամիջոցներ սահմանեցին ռուսական մեծագոյն դրամատուներու եւ կազմակերպութիւններու նկատմամբ:
Փետրուարի 16-էն ռուս միլիառատէրերէ աղքատացած են 90 միլիառ տոլարով: Հինգշաբթի օրուայ արդիւնքներով ամենամեծ կորուստները կրած է Վակիթ Ալեքփերովը` անոր կարողութիւնը նուազած է 3,8 միլիոռ տոլարով կամ 15,4%-ով:
Severstal-ի հիմնական բաժնետէր Ալեքսէյ Մորտաշովի կարողութիւնը նուազած է 3,3 միլիառ տոլարով (11,3%), իսկ Սուլէյման Քերիմովը, որուն ընտանիքը կը վերահսկէ Polyus հանքարդիւնաբերական ընկերութիւնը, կորսնցուցած է 2,6 միլիառ տոլար (18,2%): NLMK-ի հիմնական շահառու Վլատիմիր Լիսինը Հինգշաբթի կորսնցուցած է 2,5 միլիառ տոլար (- 8,3%):
Տոկոսային արտայայտութեամբ ամենաշատը կորսնցուցած է TCS Group-ի հիմնադիր Օլեկ Թինքովը՝ անոր կարողութիւնը նուազած է 2 միլիառ տոլարով, այսինքն` 52,2%-ով: «Նորիլսքի նիքելի» հիմնական սեփականատէրերէն մէկը` Վլատիմիր Փոտանինը, աղքատացած է 1,9 միլիառ տոլարով կամ 7%-ով:
