Ռուսական խաղաղապահ զօրախումբի զինծառայողները ծրագրային մարտական պատրաստութեան շրջածիրէն ներս Լեռնային Ղարաբաղի՝ Ստեփանակերտի ուսումնական զօրավարժարանին մէջ, մշակած են ականանետի ժամանակակից մարտ վարելու նոր մարտավարութիւն, յայտնած է ՌԴ ՊՆ-ն:
Հրետանիի անձնակազմը համազարկեր արձակած է լեռներուն մէջ բնական խոչընդոտներու ետին տեղակայուած չդիտարկուող թիրախներու վրայ:
Լեռնային տեղանքին մէջ գտնուող ականանետերը կարճ ժամանակահատուածի մէջ 500-է 2000 մեթր հեռաւորութեան վրայ խոցած են մօտ 50 թիրախ, որոնք նմականած են զրահատեխնիկայի, կենդանի ուժի եւ հակառակորդի դիրքերու:
«Այսօր, յատուկ ուսուցման շրջանածիրէն ներս, մենք գործնականօրէն կիրառեցինք ականանետերու շարժական խումբերու գործողութիւնները: Հաշուարկներու առաջադրանքները կը ներառէին ժամանակաւոր դիրքի անցնելու, թիրախները ճնշելու եւ հնարաւորինս շուտ դիրքը լքելու հրամանի իրականացում: Ստացած խնդիրն աւարտելու համար պահանջուող ժամանակը կրճատելու համար սարքաւորումներու վրայ տեղադրուած են 82 մմ տրամաչափի ականանետեր, որ կը նուազեցնէ կրակային դիրքը գրաւելու համար պահանջուող ժամանակը: Անձնակազմը կատարեց առաջադրանքը, օրուայ գնահատականները լաւ եւ գերազանց էին»,-ըսած է ծրագրային դասի ղեկավար Անտրէյ Մոխովը:
Միացիր մեզ Տելեգրամում
Միացիր մեզ Յութուբում
Կիսվել
