12.09c
Երեվան
ուրբ, նմբ 22
Սէուտական Արաբիա- («Ալ Հայաթ»- Լոնտոն) «Ալ Քահիտա» ահաբեկչական խմբաւորման սպաննուած առաջնորդ Ուսամա Պըն Լատէնի թիկնապահը Սէուտական Արաբիա արտաքսուած է: Այս մասին կը գրէ «Ալ Հայաթ»ը, որ նաեւ կը նշէ, որ 2001-էն իbվեր ամերիկեան Կուանթանամո բանտին մէջ արգելափակուած Ապտըլ Րահման Ալ Շալապի արտաքսուած է դէպի իր ծննդավայարը: «Փէնթակոն»ի բանբերը Փիթեր Քուք այս մասին խօսելով ըսած է, որ 39 տարեկան Ալ Շալապի յետ այսու վտանգ չի հանդիսանար ամերիկայի անվտանգութեան եւ այդ պատճառով յարմար նկատուած է զինք արտաքսել: Նշենք, որ Փաքիստանի գաղտնի սպասրկութիւններուն կողմէ ձերբակալուած Ալ Շալապի քանիցս հացադուլ ըրած է: 2001-էն ի վեր բանտարկուած Ալ Շալապիի արտաքսումով «Կուանթանամո» բանտին մէջ եղող ծայրայեղականներուն թիւը կը դառնայ 114: Յիշեցնենք, որ ԱՄՆ նախագահ Պարաք Օպամա քանիցս յայտատարած է, թէ պիտի փակէ «Կուանթանամո»ի բանտը:
