Թուրքիա- («Տէյլի Սապահ»- Պոլիս) Քրտական PKK զինեալ խմբաւորումը երկու նոր յարձակումներ կատարած է թրքական ուժերուն դէմ: Այս մասին կը գրէ «Տէյլի Սապահ»ը: Թերթը նաեւ կը փոխանցէ, թէ զինեալներ հրթիռներ նետած են թրքական ուժերուն պատկանող կառքերու վրայ պատճառելով 3 զոհեր: Գրոհները տեղի ունեցած են Հաքքարի եւ Պաթման նահանգներուն մէջ: Յիշեցնենք, որ անցեալ Յուլիսէն ի վեր զինուորական ծանր մարտեր տեղի կ'ունենան Թուրքիոյ մէջ: Երկու կողմերը ունին մարդկային կորուստներ: