Պայտըն Կազայի մէջ հիւանդանոցի վրայ յարձակման համար պատասխանատու համարած է ոչ թէ Իսրայէլը, այլ «միւս կողմը»

Պայտըն Կազայի մէջ հիւանդանոցի վրայ յարձակման համար պատասխանատու համարած է ոչ թէ Իսրայէլը, այլ «միւս կողմը»

Միացեալ Նահանգներու նախագահ Ճօ Պայտըն Թէլ Աւիւի մէջ յայտարարած է, որ Կազայի հիւանդանոցի 17 հոկտեմբերի հրթիռակոծումը, ըստ երեւոյթին, Իսրայէլի կողմէ չէ եղած: Այս մասին գրած է timesofisrael.com-ը:

«Ես խորապէս վշտացած եւ վրդոված եմ երէկ Կազայի հիւանդանոցին մէջ տեղի ունեցած պայթումէն։ Եւ ելլելով այն ամէնէն, ինչ ես տեսեր եմ, կը թուի, որ այդ ըրած է միւս կողմը, եւ ոչ թէ դուք»,- Իսրայէլի վարչապետ Բենիամին Նաթանիահուի հետ ասուլիսի ժամանակ ըսած է ան՝ հրապարակայնօրէն հաստատելով իրադարձութիւններու Իսրայէլի վարկածը:

Միեւնոյն ժամանակ ան աւելցուցած է.«Շատ մարդիկ կան, որոնք վստահ չեն»:

«Մինչ Իսրայէլ կ'արձագանգէ այս յարձակումներուն, կը կարծեմ, որ մենք պէտք է շարունակենք ապահովել, որ դուք ունենաք այն, ինչ ձեզի հարկաւոր է պաշտպանուելու համար»:

Պայտըն նաեւ ըսած է, որ «ՀԱՄԱՍ-ը չի ներկայացներ ամբողջ Պաղեստինի ժողովուրդը եւ անոր միայն տառապանք պատճառած է»: