26.09c
Երեվան
կրկ, սպտ 13
Երկուշաբթի Օմանի մէջ նախատեսուած է Իրանի եւ տարածաշրջանի երկիրներու մասնակցութեամբ հանդիպում, որու ընթացքին պիտի քննարկուին Հորմուզի նեղուցին մէջ տիրող իրավիճակը եւ տարածաշրջանային այլ հարցեր։ Այս մասին «Reuters»-ին յայտնած է իրանցի բարձրաստիճան պաշտօնեան։
Անոր խօսքով՝ գրաւոր համաձայնութեան հասնելու հաւանականութիւնը մեծ չէ։ Իրանցի պաշտօնեան նշած է, որ հանդիպումը կազմակերպած է Օմանը։
Ան նաեւ յայտարարած է, որ Իրանը կը շարունակէ ձգտիլ համաձայնութեան, որ Թեհրանին պիտի թոյլատրէ մաքսատուրք գանձել այդ ջրուղին օգտագործող նաւերէն։ Օմանը, սակայն, դէմ է այս առաջարկին։
Իրանն ու Օմանը արդէն քանի մը ամիսէ ի վեր բանակցութիւններ կը վարեն Հորմուզի նեղուցին մէջ նաւարկութեան կարգաւորման հարցերուն շուրջ։
