-7.91c
Երեվան
երկ, փտր 24
Թուրքիոյ «Ժողովրդական ներկայացուցիչներու համագումար»ի նախաձեռնութեամբ ՆԱԹՕ-էն Թուրքիան դուրս ելլելու պահանջով ստորագրահաւաք սկսած է ։
Այս մասին յայտնած է ermenihaber.am:
Նախաձեռնութեան ներկայացուցիչները նշած են, որ Թուրքիոյ անվտանգութեան, անկախութեան, ինքնիշխանութեան եւ աշխարհի խաղաղութեան համար Թուրքիան դուրս պէտք է ելլէ ՆԱԹՕ-էն։
Ստորագրահաւաքին մասնակցած են գիտնականներ, լրագրողներ, մշակութային ոլորտի ներկայացուցիչներ մասնաւորապէս գրողներ, բանաստեղծներ, նկարիչներ եւ դերասաններ։
Նախաձեռնութեան կազմակերպիչները նշած են, որ ՆԱԹՕ-էն դուրս ելլելու ստորագրահաւաքի արդիւնքները պիտի ներկայացուին Թուրքիոյ խորհրդարան (մեճլիս):
Յիշեցնենք, որ Թուրքիան անդամակցած է ՆԱԹՕ-ին 1952-ին։
