32.43c
Երեվան
կրկ, հնս 21
Գրիգորեան վստահութիւն յայտնած է, որ երկու երկիրներու Անվտանգութեան խորհուրդներու գրասենեակներուն միջեւ համագործակցութեան շրջանակը ընդլայնելու համար կան բոլոր անհրաժեշտ հնարաւորութիւնները եւ նախադրեալները:
Յունիս 16-ին ԱԽ քարտուղար Արմէն Գրիգորեան հանդիպած է Ռուսիոյ Դաշնութեան ԱԽ քարտուղար Նիփոլայ Փաթրուշեւի հետ, որ ժամանած է Երեւան ՀԱՊԿ ԱԽ քարտուղարներու կոմիտէի հերթական նիստին մասնակցելու նպատակով:
Հանդիպման ընթացքին Գրիգորեան վստահութիւն յայտնած է, որ երկու երկիրներու Անվտանգութեան խորհուրդներու գրասենեակներուն միջեւ համագործակցութեան շրջանակը ընդլայնելու համար կան բոլոր անհրաժեշտ հնարաւորութիւնները եւ նախադրեալները:
Երկկողմ համագործակցութեան շրջանակներուն մէջ զրուցակիները քննարկած են անվտանգութեան վերաբերող հարցերու լայն շրջանակ: Նիքոլա Փաթրուշեւը շեշտած է, որ Հայաստանը Ռուսիոյ ռազմավարական կարեւոր գործընկեր պետութիւն է եւ Մոսկուան կ'աջակցի Հայաստանին տարածաշրջանային անվտանգութեան ապահովման գործընթացներուն մէջ:
Արմէն Գրիգորեան իր ռուս գործընկերոջ ներկայացուցած է տարածաշրջանային անվտանգային իրավիճակը, հայ-ատրպէյճանական սահմանային իրավիճակը, սահմանազատման եւ սահմանագծման յանձնաժողովներու աշխատանքներուն ընթացքը, ինչպէս նաեւ հայ-թրքական յարաբերութիւններու կարգաւորման գործընթացը:
