17.09c
Երեվան
հնգ, հկտ 15
ՄԱԿ-ի ընդհանուր քարտուղար Անթոնիօ Կութերեշ այս գիշեր ժամանած է Հայաստան։ Այս մասին կը յայտնէ կառավարութեան լրատուական ծառայութիւնը։
Կութերեշ Հայաստան ժամանած է՝ մասնակցելու ՄԱԿ-ի Կենսաբանական բազմազանութեան մասին համաձայնագրի կողմերու 17-րդ համաժողովին՝ COP17-ին։
«Զուարթնոց» միջազգային օդակայանին մէջ անոր դիմաւորած է Հայաստանի փոխվարչապետ Մհեր Գրիգորեան։
Նախատեսուած են Կութերեշի հանդիպումները վարչապետ Նիկոլ Փաշինեանի եւ նախագահ Վահագն Խաչատուրեանի հետ։
ՄԱԿ-ի Կենսաբանական բազմազանութեան մասին համաձայնագիրի կողմերու 17-րդ համաժողովը (COP17) տեղի պիտի ունենայ Երեւանի մէջ՝ 2026 թուականի Հոկտեմբեր 19-30-ը։
Հայաստան պիտի ժամանէ շուրջ 15 հազար մարդ, իսկ համաժողովին մասնակցելու նպատակով կ՚ակնկալուին շուրջ 190 երկիրներէ բարձրաստիճան ներկայացուցիչներ։ Համաժողովը տեղի պիտի ունենայ «Մերիտիան» ցուցահանդէսներու կեդրոնին մէջ։
