-3.91c
Երեվան
հնգ, դկտ 25
Մենք յատուկ ռազմական գործողութեան մասին յայտարարած ենք, երբ այլեւս որեւէ կերպ չենք ունեցած Արեւմուտքին բացատրելու, որ ան կը զբաղի յանցաւոր գործունէութեամբ` Ուքրանիան ներքաշելով ՆԱԹՕ:
Սան Փեթերպուրկի տնտեսական համագումարի շրջանակին մէջ Ռուսիոյ արտաքին գործոց նախարար Սերգէյ Լաւրով հարցազրոյց տուած է Մոսկուայի մէջ BBC-ի թղթակիցին` ի թիւս այլնի անդրադառնալով Ուքրանիոյ մէջ սկսած յատուկ ռազմական գործողութեան:
«Գիտէք, մենք Ուքրանիա չենք ներխուժած, մենք յատուկ ռազմական գործողութեան մասին յայտարարած ենք, երբ այլեւս որեւէ կերպ չենք ունեցած Արեւմուտքին բացատրելու, որ ան կը զբաղի յանցաւոր գործունէութեամբ` Ուքրանիան ներքաշելով ՆԱԹՕ», ըսած է Լաւրով:
Աւելի վաղ Ռուսիոյ նախագահ Վլատիմիր Փութինը մէկ անգամ չէ, որ նման հռետորաբանութեամբ խօսած էր` բացատրելով Փետրուար 24-ին Ուքրանիա զինուած ներխուժում սկսելու իր որոշումը: Մասնաւորապէս, այս թեմային նուիրած է Մայիս 9-ին Կարմիր հրապարակին մէջ կայացած Յաղթանակի շքերթի իր ելոյթի հիմնական մասը:
