4.09c
Երեվան
չրք, փտր 05
Մայր Աթոռ Սուրբ Էջմիածնի բարձրագոյն հոգեւորական պատասխանատուներու մօտ Արամ Աթէշեան Սրբազանի վերջին արարքը դատապարտելու միտումներ կան: Այս մասին «Արեւելք» տեղեկութիւն ստացաւ Մայր Աթոռի մօտիկ կանգնած աղբիւրներէ: Մեր աղբիւրը նաեւ հաղորդեց, որ «Գերագոյն Հոգեւոր Խորհուրդ»ը, որ այսօր աւարտին պիտի հասցնէ իր աշխատանքները եւ յատուկ հաղորդագրութեամբ մը հանդէս պիտի գայ, ուր պիտի դատապարտուի Արամ Արք. Աթէշեանին Էրտողանի «մեղայական» նաման գրելու երեւոյթը: Նշենք, որ երէկ ընկերային ցանցերու վրայ ստեղծուած էր յատուկ էջ մը, որուն անդամակցողները Մայր Աթոռէն կը պահանջէին կախակայել Արամ Սրբազանի գործունէութիւնը:
