13.09c
Երեվան
չրք, հկտ 04
Մահացած է զօրավար, ԱԺ նախկին պատգամաւոր Սէյրան (Սեդրակ) Սարոյեանը։
Սէյրան Սարոյեանը ծնած է 1967թ․ սեպտեմբեր 3-ին՝ Էջմիածնին։ 1993 թ․ աւարտած է ՀՀ պաշտպանութեան նախարարութեան բարձրագոյն ակադեմիական քուրսերը, 2006 թ․՝ ՌԴ զինուած ուժերու գլխաւոր շտաբի ռազմական ակադեմիան` «Պետութեան ռազմական անվտանգութիւն» մասնագիտութեամբ։
1985-1987 թթ․ Սէյրան Սարոյեանը ծառայած է խորհրդային բանակին մէջ։ Աշխուժ մասնակցութիւն ունեցած է Ղարաբաղեան շարժման։ Անոր հրամանատարութեամբ գործող ջոկատը, հետագային «Արծուիկ-10» գումարտակը մարտնչած են Քարվաճառ, Քաշաթաղի, Կովսականի ազատագրման ճակատամարտերուն։ 1993-էն մինչեւ 2007 թ․ եղած է ՀՀ զինուած ուժերուն մէջ գունդի, բանակային 2-րդ, ապա 4-րդ զօրախումբի հրամանատար։
2000 թ․ անոր շնորհուած է զօրավար-մայորի կոչում։ 1994 թ․ ՀՀ նախագահի կողմէ պարգեւատրուած է «Արիութեան մետալով», 1996 թ․՝ «Մարտական խաչ», իսկ 2006 թ․՝ «Հայրենիքին մատուցուած ծառայութիւններու համար» առաջին աստիճանի մետալներով։ ՀՀ պաշտպանութեան նախարարի կողմէ 1997 թ․ պարգեւատրուած է «Մարշալ Բաղրամեան», 2002 թ․՝ «Դրաստամատ Կանայեան», 2003 եւ 2004 թթ․՝ «Անբասիր ծառայութեան համար» առաջին եւ երկրորդ աստիճանի մետալներով։
2007 թ․ մայիս 12-ին մեծամասնական ընտրակարգով թիւ 19 ընտրատարածքէն ընտրուած է Ազգային ժողովի 5-րդ գումարման պատգամաւոր։ 2018 թ․ հեռացած է ՀՀԿ-էն ու քաղաքականութենէն։
Ամուսնացած էր, ունի չորս երեխայ։
