-1.91c
Երեվան
հնգ, հնվ 02
Արդէն 3-րդ օրացուցային օրն է, որ Արցախը Հայաստանին եւ արտաքին աշխարհին կապող միակ մայրուղին փակ է: Այս մասին ըսուած է Արցախի ԱԺ նախագահ Արթուր Թովմասեանի տարածած յայտարարութեան մէջ:
«Անկեղծ ասած, ցաւ ապրեցի, երբ ստեղծուած իրավիճակով պայմանաւորուած ՀՀ ԱԺ խմբակցութիւններն առանձին - առանձին հանդէս եկան յայտարարութիւններով:
Այս պայմաններում, երբ Արցախը կանգնած է հումանիտար աղէտի առջեւ, երբ Արցախում ապրող ժողովուրդը զրկուած է կազամատակարարումից, երբ առողջական ծանր խնդիրներով հիւանդները զրկուած են անհրաժեշտ դեղորայքից եւ առողջապահական ծառայութիւններից, պարէնային եւ առաջին անհրաժեշտութեան ապրանքների մատակարարումից, երբ մանկապարտէզներում ու դպրոցներում կասեցուել է բնականոն աշխատանքը, կարծում եմ ,ՀՀ խորհրդարանի բոլոր խմբակցութիւնները միասնական յայտարարութեամբ պէտք է արտայայտէին Արցախի հանդէպ Ատրպէյճանի հրահրած վերջին սադրանքների մասին իրենց մտահոգութիւններն ու դատապարտող կոչերը:
Անիմաստ ենք համարում անընդհատ կրկնել 2020 թուականի նոյեմբերի 9-ի եռակողմ յայտարարութեան 6-րդ կէտի դրոյթները, որոնց Ատրպէյճանը ոչ միայն հաւատարիմ չի մնում, այլեւ ցանկացած անհիմն պատրուակի տակ կոպտօրէն խախտում եւ խաթարում է Արցախում ապրող ժողովրդի խաղաղ ու անվտանգ կեանքը:
..Քաղաքակիրթ աշխարհին պէտք է մտահոգի այն, ինչ այսօր տեղի է ունենում Արցախում: Հումանիտար աղէտի առջեւ կանգնած Արցախի ժողովուրդը, մեծ հաշուով հասցէական յայտարարութիւնների կարիք ունի:
..Արցախի իշխանութիւնն ու ընդդիմութիւնը մի ամբողջական մարմին են, ինչքան էլ մեզ մաշեն, սպառնան, ահաբեկեն, այս սուրբ հողում ապրել եւ ապրելու են մարդիկ, որոնք արժանի են ուշադրութեան եւ յարգանքի:
Համոզուած եմ, որ մեզ կը տան այնքան, ինչքան ինքներս մեզ գնահատում ենք :
Երջանիկ եմ, որ ապրում եմ Արցախում: Ամէն մի աշխատանքային օր ինձ համար բացւում է այն զգացողութեամբ ,որ այն վերջինն է երկրային կեանքում: Այս պահին իմ ներաշխարհում նոյնականացուած են հայրենիքի համար ապրելու նահատակուելու զգացողութիւնները :
Կեանքը բումերանգ է եւ պայքար»,- ըսուած է յայտարարութեան մէջ:
