18.66c
Երեվան
չրք, հնս 24
Ատրպէյճանի կողմէ Հայաստանի դէմ շղթայազերծուած եւ երեք օր տեւած պատերազմին հետեւանքով հայկական կողի զոհերուն եւ կորսուած զինուորներուն թիւը հասած է 207-ի։
Նշենք, որ այս մասին այսօր յայտարարուած է Անվտանգութեան Խորհուրդի նիստին աւարտին, որուն նախագահած է Նիկոլ Փաշինեան։
Կը նշուի նաեւ, որ ռազմական գործողութիւններու ընթացքին վիրաւորուած են 293 զինուորներ։
Առկայ են փաստեր հայաստանցի գերեվարուած կամ զոհուած զինծառայողներուն ատրպէյճանցիներու կողմէ խոշտանգումներու ենթարկելու, անդամահատելու եւ սպաննելու վերաբերեալ:
Յայտարարության մէջ նշուած է, որ Ատրպէյճանի զինուած ուժերու կողմէ թիրախաւորուած են 36 բնակավայրեր՝ Գորիս, Սիսիան, Կապան, Ջերմուկ, Վարդենիս, Տեղ, Գեղամասար համայնքները, որուն հետեւանքով մասնակի կամ ամբողջական աւերուած են 192 տուն, 3 հիւրանոց, 2 դպրոց, 1 բժշկական հաստատութիւն, 1 հանդիսութիւններու սրահ, 4 անասնագոմ: Վնասուած է 7 ելեկտրական կառոյց , 5 ջրային ենթակառոյց , 3 կազային կէտ, 1 կամուրջ, 2 ճանապարհ եւ 1 փողոց: Թիրախաւորուած են 2 շտապօգնութեան մեքենա, 4 անձնական օգտագործման ինքնաշարժ։
Յիշեցնենք, որ այսօր առաւօտեան ժամերու կտրուածքով եւ մինչեւ այս պահը սահմանային ամբողջ գօտիի երկայնքին անդորրը կը շարունակուի։
