8.09c
Երեվան
հնգ, մրտ 20
Իսրայէլի պաշտպանութեան նախարար Իսրայէլ Քացը բանակին յանձնարարած է ծրագիր պատրաստել, որ թոյլ կու տայ Կազայի բնակիչներուն ինքնակամ լքել անկլաւը: Տեղեկութիւնը յայտնած է Իսրայէլի ռազմական գերատեսչութեան մամուլի ծառայութիւնը։
«Կ՚ողջունեմ ԱՄՆ նախագահ Տանըլտ Թրամփի ծրագիրը։ Կազայի բնակիչներուն պէտք է տրուի ելքի ազատութիւն, ինչպէս ընդունուած է ամբողջ աշխարհի մէջ: Ծրագիրը պիտի ներառէ ցամաքային անցումներով ելքի տարբերակներ, ինչպէս նաեւ ծովով եւ օդով ելքի համար յատուկ միջոցներ», -յայտարարած է Իսրայէլի պաշտպանութեան նախարարը։
Քացը աւելցուցած է, որ կարգադրած է այնպիսի ծրագիր մշակել, որ թոյլ կու տայ Կազայի որեւէ բնակչի մեկնիլ աշխարհի որեւէ կէտ, որ կ՚ընդունի անոր։
