16.09c
Երեվան
հնգ, սպտ 19
Թուրքիոյ արտաքին գործոց նախարարութիւնը կոշտ քննադատած է Իսրայէլի իշխանութիւնները՝ անոնց համեմատելով նացիստական Գերմանիոյ ղեկավարութեան հետ, յայտնած է aa.com.tr կայքը։
«Ինչպէս նացիները պատասխանատւութեան ենթարկուեցան, այնպէս ալ անոնք, որոնք կը ձգտին ոչնչացնել պաղեստինցիները, պիտի պատժուին: Ինչպէս աւարտեցաւ Հիթլերի ցեղասպանութիւնը, այդպէս ալ պիտի աւարտի (Իսրայէլի վարչապետ Բենիամին) Նաթանիահուի սկսած ցեղասպանութիւնը։ Ինչպէս նացիները ենթարկուեցան արդարադատութեան, այնպէս ալ անոնք, որոնք կը ձգտին ոչնչացնել պաղեստինցիները, պիտի պատժուին: Մարդկութիւնը պիտի ըլլայ պաղեստինցիներու կողքին: Դուք չէք կրնար ոչնչացնել անոնց», -ըսուած է գերատեսչութեան յայտարարութեան մէջ:
Յիշեցնենք, որ Իսրայէլի արտաքին գործոց նախարար Իսրայէլ Կացը յայտարարած է, որ Թուրքիոյ նախագահ Ռեճէպ Թայէպ Էրտողան կրնայ կրկնել Իրաքի ղեկավար Սատամ Հուսէյնի ճակատագիրը. ան ղեկավարած է Իրաքը 1979-2003 թուականներուն, իսկ 2006 թուականին մահապատժի ենթարկուած։
Նախարարն այս յայտարարութիւնը ըրած է՝ ի պատասխան Թուրքիոյ ղեկավարի յայտարարութեան այն մասին, որ «Թուրքիան կրնայ մտնել Իսրայէլ, ինչպէս որ ըրած է Լեռնային Ղարաբաղի եւ Լիպիոյ մէջ»:
«Էրտողանը կը քալէ Սատամ Հուսէյնի հետքերով եւ կը սպառնայ յարձակիլ Իսրայէլի վրայ։ Պարզապէս յիշեցուցէք անոր, թէ ինչ կատարուեցաւ այնտեղ՝ Իրաքի մէջ, եւ ինչպէս աւարտեցաւ»,- գրած է Կացը X-ի էջին:
