8.09c
Երեվան
շբթ, նմբ 15
Միացեալ Նահանգներու նախագահ Տանըլտ Թրամփ պնդած է, որ Հնդկաստանի վարչապետ Նարենտրա Մոտին հիմնական դադրեցուցած է ռուսական նաւթի գնումները։ Ամերիկացի նախագահն այս յայտարարութիւնն ըրած է լրագրողներու հետ ճեպազրոյցի ժամանակ։
«Մոտին դադրեցուցած է... հիմնական դադրեցուցած է Ռուսիայէն նաւթ գնելը: Ան իմ ընկերն է, եւ մենք կը խօսինք: Եւ ան կ՚ուզէ, որ ես այցելեմ Հնդկաստան: Մենք պիտի քննարկենք այդ, եւ ես պիտի երթամ այնտեղ», - ըսած է Միացեալ Նահանգներու նախագահը:
Հոկտեմբերի վերջը Reuters-ը հաղորդած էր, որ Հնդկաստանի եւ Միացեալ Նահանգներու միջեւ բանակցութիւններէն ետք հնդկական նաւթավերամշակման գործարանները 50%-ով կրճատած են Ռուսիայէն նաւթի ներմուծումը։ Նաւթավերամշակման ընկերութիւններու ներկայացուցիչները պնդած են, որ անոնք կը ծրագրեն միայն կրճատել ռուսական հում նաւթի գնումները, բայց ոչ ամբողջութեամբ վերացնել այն։ Հոկտեմբեր 17-ին երկու հնդկական նաւթավերամշակման գործարաններ առաջին անգամ ամերիկեան «ԷքսընՄոպիլ» ընկերութենէն գնած են 4 միլիոն պարել (նաւթաչափ միաւոր) գայանական հում նաւթ։
