image

ՀՀ–ն եւ Ռուսիան ստորագրած են աթոմակայանի շահագործման ժամկէտը երկարաձգելու պայմանագիր

ՀՀ–ն եւ Ռուսիան ստորագրած են աթոմակայանի շահագործման ժամկէտը երկարաձգելու պայմանագիր

Հայաստանը եւ Ռուսիան շրջանակային պայմանագիր ստորագրած են Հայկական աթոմային ելեկտրակայանին (ԱԷԿ) երկրորդ ելեկտրակայանի շահագործման ժամկէտի կրկնակի երկարաձգման համալիր միջոցառումներու իրականացման վերաբերեալ:

Փաստաթուղթը 15 դեկտեմբերին Երեւանի մէջ տնտեսական համագործակցութեան միջկառավարական յանձնաժողովի 22-րդ նիստի շրջածիրէն ներս ստորագրած են Աթոմային ելեկտրակայանի գլխաւոր տնօրէն Էդուարդ Մարտիրոսեանը եւ «Ռուսաթոմ Սերվիս» ընկերութեան համալիր նախագիծերու կառավարման ղեկավար Եուրի Սվիրիտենքոն։

Յիշեցնենք, որ ՀՀ կառավարութիւնը՝ դեկտեմբեր 14-ի նիստին հաւանութիւն տուած էր համապատասխան նախագիծին, որով կ՚առաջարկուէր թոյլատրել Հայաստանի աթոմակայանին մէկ անձէ գնման ձեւով պայմանագիր կնքել «Ռոսաթոմ»-ի հետ՝ համապատասխան աշխատանքներ իրականացնելու համար։

Որոշման նախագիծին մէջ նաեւ նշուած է, որ պայմանագրի գինը չի կրնար գերազանցել 65 միլիոն տոլարը։

Մարտին Հայաստանի կառավարութիւնը որոշում ընդունած էր երկարաձգել աթոմակայանի շահագործման ժամկէտը մինչեւ 2036 թուական: