17.79c
Երեվան
չրք, հնս 10
Յունաստանի Հերաքլիոն քաղաքին մէջ ընթացող առաջնութեան 96 քկ քաշայիններու պայքարին մէջ Գարիկ Կարապետեանը երկամարտի 370 քկ արդիւնքով (170 + 200) երկրորդ տարին անընդմէջ հռչակուած է երիտասարդներու աշխարհի ախոյեան:
Պոկում վարժութեան մէջ Կարապետեանը ամենավերջինը սկսած է պայքարը՝ առաջին մօտեցմամբ պոկելով 160 քկ, երկրորդով՝ 164 քկ, ապա 170 քկ ծանրաձողը եւ արժանանալով փոքր ոսկէ մետալին:
Հրում վարժութեան մէջ հայ ծանրորդը նախ գլխավերեւ պահած է 190 քկ, ապա 195 եւ 200 քկ կշռող ծանրաձողերը: Այս վարժութեան մէջ Կարապետեանը փոքր պրոնզէ մետալ նուաճած է:
Այս քաշային կարգին մէջ արծաթէ մետալակիր դարձած է մոլտովացի Թուտոր Պրաթուն (364 քկ), իսկ պրոնզէ մետալը նուաճած է եգիպտացի Եասէր Ուսամա Հեմտան (359 քկ):
Սա Հայաստանի հաւաքականի երկրորդ ոսկէ մետալն էր ծանրամարտի աշխարհի երիտասարդական ախոյեանութեան մէջ:
