3.09c
Երեվան
ուրբ, նմբ 22
Հակառակ երկրին մէջ տիրող բարդագոյն պայմաններուն լիբանանահայ գաղութը միասնական ճիգերով ոգեկոչած է թուականին Պաքուի ջարդարար ռէժիմին կողմէ ծրագրաւորեալ կերպով եղած հայաջինջ գործողութիւններուն հետեւանքով զոհուած հայորդիներուն յիշատակը։
Այս մասին «Արեւելք» տեղեկութիւն ստացաւ Պէյրութի իր աղբիւրէն։
Մեր աղբիւրը նաեւ հաղորդեց, որ կիրակի օր համանքի աշխարհիկ թէ կրօնական պատասխանատուներ փութացած են հասնիլ Պէյրութի կեդրոնական շրջանին մէջ գտնուող Սուրբ Նշան Մայր Եկեղեցի, ուր յարգանքի տուրք մատուցած են Պաքուի եւ Սումկայիթի զոհերու յիշատակին բարձրացուած յուշակոթող- խաչքարին առջեւ։
Երիտասարդութիւնը, եւ սկաուտական շարքերը առաջնորդութեամբ ՀՄԸՄ-ի, ՀՄՄ-ի եւ ՀԵԸ «Անդրանիկ-Սեւան»ի փողերախումբին առաջնորդութեամբ քալած են Պէյրութի նահատակաց հրապարակէն հասնելով մինչեւ Զոքաք Ալ Պլաթ շրջանի Սուրբ Նշան Մայր եկեղեցի։
Նահատակներու յիշատակին զետեղուած յուշակոթողին ծաղկեպսակներ զետեղած են ՀՅԴ-ի կողմէ Յակոբ Հաւաթեան ՍԴՀԿ-ի կողմէ Վանիկ Տագէսեան, եւ ՌԱԿ-ի կողմէ Աւետիս Տագէսեան, որմէ ետք ալ գլխաւորութեամբ հայ երեք յարաուանութեանց առաջնորդներուն տեղի ունեցած է հոգեհանգստեան կարգ։
Օրուան խորհուրդը փոխանցած է լիբանանահայ գրող Խաչիկ Տէտէեան, որ դէպքերու պատմականը ներկայացնելէ անդին ներկայացուցած է այսօրուան բարդ իրավիճակը Արցախի մէջ եւ կարեւորած պայքարը շարունակելու անհրաժեշտութիւնը։
Ձեռնարկին ներկայ եղած են Պուրճ Համուտի քաղաքապետ Մարտիկ Պօղոսեան եւ Այնճարի քաղաքապետ Վարդգէս Խօշեան, Լիբանանի մէջ ՀՀ արտակարգ եւ լիազօր դեսպան Վահագն Աթաբէկեան եւ մեծ թիւով հայրենակիցներ։
Հակառակ Լիբանանի այսօրուան իրավիճակին հայութիւնը կը շարունակէ միակամ կերպով եւ միասնական շարքերով իր ուսերուն եղած մեծ յանձնառութիւնը շարունակել յուսալով եւ հաւատալով, որ հայութիւնը արագօրէն դուրս կուգայ այսօրուան դժուարին պայմաններէն ու հայրենիք Հայաստանը կը նաւարկէ դէպի ապահով եւ անվտանգ ափեր։
Լուսանկարները Պէյրութահայ հանրայայտ լուսանկարիչ՝ «Սթուտիո Ալէքս»ի
