Գերութենէն վերադարձած 10 զինուորներ կը հարցաքննուին, իսկ 7 ուրիշներ հիւանդանոց տեղափոխուած են

Գերութենէն վերադարձած 10 զինուորներ կը հարցաքննուին, իսկ 7 ուրիշներ հիւանդանոց տեղափոխուած են

Ատրպէյճանական գերութենէն 4 հոկտեմբերին, հայրենադարձած զինծառայողներէն 10-ն այս պահուն Քրէական Կոմիտէի ԶՔԳՎ-ի մէջ կը հարցաքննուին՝ վկայի կարգավիճակով։ Այս մասին NEWS.am-ի հետ զրոյցի ժամանակ յայտնած է Քրէական Կոմիտէի մամուլի քարտուղար Վարդան Թադեւոսեանը։

Թադեւոսեանն ըսած է, որ հայրենադարձած զինծառայողներէն 7-ը բուժում կը ստանան, դեռ չեն հարցաքննուած, քննիչներն առաջիկային պիտի այցելեն անոնց՝ հարցաքննելու նպատակով։

Յիշեցնենք, որ 4 հոկտեմբերին հայրենիք վերադարձած են ատրպէյճանական գերութեան մէջ գտնուող 17 հայ զինծառայող, որոնք գերեվարուած են 13-14 սեպտեմբերին ատրպէյճանական յարձակման հետեւանքով։ Ատրպէյճանը պաշտօնապէս հաստատած էր 17 զինծառայողի գերեվարում, որոնց ալ վերադարձուցած է, սակայն ըստ իրաւապաշտպաններու՝ գերիներու թիւն աւելի մեծ է։