24.09c
Երեվան
չրք, հնս 25
Եւրոպայում ժամանակավորապես բնակվող հայ լրագրող Անի Քոչարը գրում է.
Սիրելի հայրենակիցներ,
խոսքս ուղղում եմ մեր այն հայրենակիցներին, ովքեր մշտական բնակության նպատակով ցանկանում են Եվրոպայում ապաստան խնդրել:
Մի վաճառեք ձեր տունն ու տեղը և ձեր վերջին կոպեկները մի վատնեք Եվրոպա հասնելու համար, Հայաստանը այն պետությունների ցուցակում չէ, որի քաղաքացիներին այստեղ ապրելու իրավունք են տալիս:
Օրինակ Գերմանիան ՀՀ քաղաքացիների գործերը հաշված ամիսներում է քննում է և բացասական պատասխան տալիս:
Սիրտս ցավում է, երբ տեսնում եմ, թե որքան ընտանիքներ են անդունդի եզրին հայտնվում եվրոպական ապահով կյանքի փնտրտուքներում:
Եթե չունք լուրջ առողջական խնդիրներ, եթե ձեր կյանքին վտանգ չի սպառնում, ապա, Եվրոպա գալ խորհուրդ կտամ բացառապես որպես զբոսաշրջիկ: Համենայնդեպս Գերմանիայում այժմ օրինական կարգավիճակ ստանալը բավականին բարդ է, եթե պատերազմող երկրից չես եկել:
Եվ երբ ընտանիքում մեկն ունի լուրջ առողջական խնդիր, դա դեռևս պատճառ և հիմք չէ, որպեսզի ողջ ընտանիքը Գերմանիայում ապրելու իրավունք ստանա: Առավել մանրամասները կարող եմ տրամադրել փակ նամակով:
Հ.Գ. Սկզբից ևեթ ասեմ, որ ինքս Հայաստանից բացակայում եմ ժամանակավորապես և կրթությունս ավարտելուն պես վերադառնալու եմ Հայրենիք:
Վերջին տարվա իմ փորձն ու այն, ինչ տեսա ու լսեցի, եկավ հաստատելու, որ լավ է այնտեղ, որտեղ մենք չկանք: Հավատացեք Եվրոպան հեռու է դրախտից....
