19.09c
Երեվան
շբթ, օգս 15
Եւրոպական խորհրդի նախագահ Շարլ Միշէլ եւ Գանատայի արտաքին գործոց նախարար Մելանի Ճոլի քննարկած են Արցախի հարցը։
«Մենք քննարկած ենք Պալքաններու մէջ ընդլայնուելու անոր (Շարլ Միշէլի – խմբ․) տեսլականը, Լեռնային Ղարաբաղի հակամարտութիւնը եւ Հայիթիի ճգնաժամի կարգաւորման ուղղուած հետագայ քայլերը»,- թուիթըրեան իր էջին գրած է Գանատայի արտաքին գործոց նախարարը։
Հանդիպումը կայացած է Սլովենիոյ մէջ տեղի ունեցող Պլետի ռազմավարական համաժողովի ծիրէն ներս:
Համաժողովին մասնակցած է նաեւ Հայաստանի արտաքին գործոց նախարար Արարատ Միրզոյեան։ Համաժողովի ծիրէն ներս ան հանդիպած է Սլովենիոյ եւ Քորէայի Հանրապետութեան արտաքին գործոց նախարարներուն հետ, ինչպէս նաեւ միտքեր փոխանակած է Գանատայի արտաքին գործոց նախարարութեան ղեկավարին հետ։
