«Ազատ դեմոկրատներ» կուսակցութեան նախագահ Խաչատուր Քոքոբէլեանը երէկ յայտարարած է, որ իր հօր առեւանգման գործի շրջածիրէն ներս ձերբակալուած է ՀՅԴ Հայաստանի Գերագոյն մարմնի անդամ, ԱԺ նախկին պատգամաւոր Սուրէն Մանուկեանը եւ եւս երկու հոգի։
Սուրէն Մանուկեանի փաստաբան Սերկէյ Ոսկանեանը Yerkir.am-ի հետ զրոյցի ժամանակ փոխանցած է Մանուկեանի խօսքերը, որ կասկածանքները համարած է շինծու։
«Սա հերթական քաղաքական շոուն է, կասկածանքը շինծու է. այն, ինչ ինձ վերագրւում է, բոլորովին կապ չունի ինձ հետ»,֊ նշած է Սուրէն Մանուկեան։
Փաստաբան Սերկէյ Ոսկանեան աւելցուցած է, որ ձերբակալումը եւ կալանաւորումը, եթէ նաեւ տանին կալանքի, պարտադիր պիտի բողոքարկուի դատարան։