23.09c
Երեվան
երք, օգս 18
8 յուլիսին ՀՀ արտաքին գործոց նախարար Արարատ Միրզոյեան մասնակցած է Տուպրովնիքի համաժողովի ծիրէն ներս կատարուող «Համաշխարհային կարգը խախտուած. ինչպէ՞ս կայունացնել համաշխարհային քաղաքականութիւնը» քննարկման: Այս մասին յայտնած է ՀՀ արտաքին գորոց նախարարութեան մամուլի ծառայութիւնը՝ հրապարկելով անոր ելոյթը։
Անդրադառնալով ՀՀ-Եւրոպական Միութեան գործընկերութեան՝ Միրզոյեան նշած է.
«Ներկայումս Հայաստանը ժողովրդավարական լայնածաւալ բարեփոխումների գործընթաց է իրականացնում՝ ուղղուած ժողովրդավարական հաստատութիւնների, մարդու իրաւունքների պաշտպանութեան եւ անկախ դատական համակարգի ամրապնդմանը: Սա Եւրոպական միութեանն աւելի է մօտեցնում Հայաստանին եւ հակառակը: Անակնկալ չէ, որ մենք նաեւ ուսումնասիրում ենք տարբեր ոլորտներում ՀՀ եւ ԵՄ միջեւ յարաբերութիւնների խորացման ու համագործակցութեան նոր հեռանկարներ, այդ թւում՝ անվտանգութեան հարթութեան մէջ. մենք անցկացրեցինք Հայաստան-ԵՄ քաղաքական եւ անվտանգային հարցերով երկխօսութեան հարցերով առաջին նիստը։
Սա նոյնիսկ շրջափակում չէ, սա Լեռնային Ղարաբաղի պաշարում է. բաւականին երկար ժամանակ է՝ ինչ սնունդ եւ դեղորայք չի մատակարարւում Լեռնային Ղարաբաղ։ Մարդիկ պաշարուած են։ Եւ սա խնդիր է, որը, ցաւօք, մենք միայնակ չենք կարող լուծել, ունենք ձեր աջակցութեան կարիքը: Կարծում եմ, որ իւրաքանչիւրն ունի կամ պէտք է ունենայ պատասխանատւութեան իր սեփական բաժինը։ Կրկին, եթէ մենք ուզում ենք ապրել ոչ թէ քաոսի, այլ կարգուկանոնի մէջ»:
