-1.91c
Երեվան
երկ, հնվ 13
«ՀԱԼԷՊ» հայրենակցական բարեսիրական հասարակական կազմակերպությունից տեղեկանում ենք, որ այսօր կազմակերպության «Փրկէ կեանք մը» ծրագրով Հալեպից Հայաստան տեղափոխվեցին Բլանկոզյան, Ղազարյան և Բասմաջյան ընտանիքները՝ թվով 7 հոգի։
«Զվարթնոց» օդանավակայանում նրանց դիմավորեցին «ՀԱԼԷՊ» ՀԲՀԿ-ի և «Առաքելություն Հայաստան» բարեգործական հասարակական կազմակերպության ներկայացուցիչները։ Վերոնշյալ անձանց Հալեպից Հայաստան տեղափոխումը հնարավոր դարձավ IDeA հիմնադրամի ցուցաբերած ֆինանսական օժանդակության շնորհիվ:
2015թ-ի մայիս ամսից առ այսօր «ՀԱԼԷՊ» ՀԲՀԿ-ի կողմից մշակված և իրականացվող «Փրկէ կեանք մը» ծրագիրը աջակցում է Սիրիայում դժվար կացության մեջ հայտնված, նյութական ծանր դրության մեջ գտնվող և օգնության համար «ՀԱԼԷՊ» ՀԲՀԿ-ին դիմած սիրիահայերին՝ ձեռք բերելու մեկ ուղղությամբ տոմս դեպի Հայաստան։
Հիշեցնենք, որ 2016թ-ի հոկտեմբերի 15-ին IDeA հիմնադրամը, տարածելով հայտարարություն սիրիահայերի իրավիճակի վերաբերյալ, իր աջակցությունն է հայտնել նաև Հայաստան տեղափոխվել ցանկացող սիրիահայերին: IDeA հիմնադրամի այս նախաձեռնությունն իրականացվում է «ՀԱԼԷՊ» ՀԲՀԿ-ի «Փրկէ կեանք մը» ծրագրի շրջանակում՝ նեցուկ կանգնելով պատերազմական Սիրիայից Հայաստան գալ փափագող անձանց:
