-4.91c
Երեվան
երք, հնվ 20
Ատրպէյճանի ռազմական ծախսերը իւրաքանչիւր տարի նախորդ տարուան համեմատ կ՚աճին։ Հայաստանի Արտաքին հետախուզութեան ծառայութիւնը զեկոյց հրապարակած է, որուն մէջ Ատրպէյճանի պիւտճէին մէջ ռազմական եւ այլ ոլորտներու 2024-2026-ի յատկացումները համեմատուած են 2023-ի նոյն յատկացումներու հետ։
Պարզուած է՝ 2026-ի ռազմական յատկացումներն աճած են շուրջ 44%-ով, իսկ միւս ոլորտային յատկացումները՝ ընդամէնը 7,4%-ով։
2026-ի պարագային նոյնիսկ ոչ ռազմական ոլորտներու յատկացումներու որոշակի նուազում կայ՝ 2025-ի համեմատ, մինչդեռ ռազմական ոլորտի յատկացումները 2026-ի համար շարունակած են աճիլ։
2026-ին Ատրպէյճանի ռազմական ծախսերու համար յատկացուած է 5 միլիառ 126 միլիոն 350 հազար տոլար, 2025-ին՝ 4 միլիառ 939 միլիոն տոլար, 2024-ին՝ 4 միլիառ 191 միլիոն 970 հազար տոլար, 2023-ին՝ 3 միլիառ 561 միլիոն 670 հազար տոլար։
