• 220
• 15/01/2018

Անձնասպանական երկու պայթումներ ցնցեցին Պաղտատը. Զոհերուն թիւը հասաւ 26-ի

Այս առաւօտ անձնասպանական երկու պայթումներ ցնցեցին Իրաքի մայրաքաղաք  Պաղտատը:

 Ըստ Sky News ծառայութեան, պայթումները եղած են  Պաղտատի  կեդրոնական շրջաններէն համարուող «Սահաթ Ալ Թայարա» հրապարակին մօտ:

Երկու անձնասպաններու միջոցաւ եղած այս պայթումին հետեւանքով զոհուած  են  26 անձեր եւ կան 65  վիրաւորեալներ:

Աղբիւրը կը յայտնէ, որ զոհերու այս թիւը նախնական է եւ կրնայ բարձրանալ, տրուած ըլլալով, որ պայթումին եղած վայրը կը համարուի բանուորներով խճողուած շրջան մը:

Յիշեցնենք, որ արդէն տասնեակ տարիներէ ի վեր պատերազմի մէջ եղող Իրաքը կը պատրաստուի խորհրդարանական ընտրութիւններու, որոնք պիտի կայացուին յառաջիկայ գարնան: 

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել