-2.91c
Երեվան
շբթ, հնվ 24
Միացեալ Նահանգներու փոխնախագահ Ճէյ Տի Վենսը փետրուարին պիտի այցելէ Հայաստան եւ Ատրպէյճան. այս մասին Truth Social հարթակին վրայ գրած է ԱՄՆ նախագահ Տանըլտ Թրամփը։
«Կուզեմ շնորհակալութիւն յայտնել Ատրպէյճանի նախագահ Իլհամ Ալիեւին եւ Հայաստանի վարչապետ Փաշինեանին՝ անցեալ օգոստոսին մեր ստորագրած խաղաղութեան համաձայնագրի պահպանումը երաշխաւորելու համար։ Սա դաժան պատերազմ էր՝ այն ութէն մէկը, որոնց ես վերջ դրած են, բայց հիմա մենք ունինք բարեկեցութիւն եւ խաղաղութիւն»,- գրած է Թրամփը։
Ան նշած է, որ փետրուարին փոխնախագահ Վենսը պիտի այցելէ երկու երկիրներ՝ «մեր խաղաղութեան ջանքերը զարգացնելու եւ Թրամփի միջազգային խաղաղութեան ու բարեկեցութեան երթուղին առաջ մղելու համար»։
«Մենք պիտի զօրացնենք մեր ռազմավարական գործընկերութիւնը Ատրպէյճանի հետ, Հայաստանի հետ պիտի ստորագրենք խաղաղ նպատակներով միջուկային համագործակցութեան գեղեցիկ համաձայնագիր, պիտի կնքենք գործարքներ մեր հիանալի կիսահաղորդչային արտադրողներու համար, ինչպէս նաեւ Ատրպէյճանին պիտի վաճառենք ԱՄՆ-ի մէջ արտադրուած պաշտպանական սարքաւորումներ՝ ներառեալ զրահաբաճկոններ, նաւակներ եւ այլ միջոցներ»,- գրած է Թրամփը։
