16.09c
Երեվան
երկ, ապր 21
Միացեալ Նահանգները եւ Ուքրանիան յաջորդ շաբաթ Սէուտական Արաբիոյ մէջ բանակցութիւններ պիտի կայացնեն։ Այս մասին Եւրոպական Միութեան առաջնորդներու հետ Պրիւքսէլի մէջ կայացած գագաթնաժողովէն ետք ըսած է Ուքրանիոյ նախագահ Վլատիմիր Զելենսքին՝ յոյս յայտնելով, որ «իմաստալից հանդիպում» պիտի ըլլայ, գրած է BBC-ն։
Ուքրանիոյ առաջնորդը պիտի մեկնի Սէուտական Արաբիա, բայց պիտի չմասնակցի բանակցութիւններուն։ Զելենսքին ըսած է, որ Քիեւը կ՚աշխատի «արագ եւ տեւական» խաղաղութեան հասնելու ուղղութեամբ:
Միացեալ Նահանգներու նախագահ Տանըլտ Թրամփի յատուկ բանագնաց Սթիւ Վիթքոֆն ըսած է, որ ամերիկեան կողմը կ՚ուզէ քննարկել խաղաղութեան «շրջանակ»՝ փորձելով վերջ դնել Ռուսիա-Ուքրանիա պատերազմին:
Փետրուար 28-ին Զելենսքին եւ Թրամփը Սպիտակ տան մէջ լրատուամիջոցներու առաջ թէժ զրոյց ունեցած են, որու ընթացքին Թրամփն ըսած է, որ Զելենսքին պատրաստ չէ դադրեցնելու մարտերը: Միացեալ Նահանգները դադրեցուցած է Ուքրանիոյ տրամադրուող ռազմական օգնութիւնը եւ հետախուզական տեղեկատւութեան փոխանակումը։
Ուքրանիոյ նախագահն ափսոսանք յայտնած է տեղի ունեցածի համար եւ փորձած է վերականգնել յարաբերութիւնները Միացեալ Նահանգներու՝ Ուքրանիոյ ամենամեծ ռազմական մատակարարի հետ։
