22.09c
Երեվան
կրկ, հնս 29
Համազգայինի Փալանճեան-Արսլանեան ճեմարանի շրջանաւարտներու միութիւնը կը գուժէ 1961-ի իր շրջանաւարտներէն Մելինէ Ժամկոչեան Գարագաշեանի մահը, որ պատահեցաւ ուրբաթ 30 Մայիս 2025ին:
Մելինէ Գարագաշեան ծնած է Պէյրութ՝ 1943-ին։ Իր նախնական ու երկրորդական ուսումը ստացած է Ս. Նշան վարժարանին եւ Ճեմարանին մէջ: Ֆրանսական պաքալորէայի փորձառական գիտութիւններու ճիւղին հետեւած է Միջազգային քոլեճին մէջ: Ապա հաստատուած է Միացեալ Նահանգներու Նիւ Ճըրզի քաղաքը, ուր Ռաթկըրզ եւ Սիթըն Հոլ համալսարաններուն մէջ ստացած է տոքթորական տիտղոս` հոգեբանութեան մէջ:
Հայրենի երկիրը ցնցող երկրաշարժէն ետք կ՚անցնի Հայաստան եւ իր օգնութիւնը կ՚ընծայէ Սպիտակի, Ղարաբաղի, Շահումեանի եւ Մարտակերտի աղէտեալներուն: Կը մասնագիտանայ հոգեբանական ճիւղին մէջ եւ կը դասախօսէ թէ՚ հայրենիքի եւ թէ՚ Նիւ Ճըրզիի մէջ` հոգեբանութեան նիւթերու շուրջ:
2001 թուին, Նիւ Եորքի ահաւոր աղէտէն ետք, կը դասաւանդէ Նիւ Ճըրզիի Հոգեբանութեան ընկերակցութեան անդամներուն եւ կը գնահատուի Մտային առողջութեան ընկերակցութեան եւ Ամերիկեան հոգեբանութեան ընկերակցութեան նախագահներուն կողմէ:
Գրած է անգլերէն եւ հայերէն գիտական յօդուածներ: 2005-ին լոյս ընծայած է «Ցեղասպանութեան հոգեցնցումն ու ազգային ինքնութիւնը» խորագրեալ հատորը:
Հեղինակ է «Կոմիտաս» հատորին եւ այլ աշխատութիւններու, աշխատակցած է մամուլին։
