8.09c
Երեվան
հնգ, նմբ 21
ԱՄՆ պաշտպանութեան նախարար Լլոյտ Օսթինը յայտարարած է, որ ամերիկեան B-2 Spirit ռմբակոծիչները հարուածած են Եմէնի տարածքին մէջ հուսի ապստամբներու զէնքերու պահեստաւորման հինգ կառոյցներ:
Պահեստներուն մէջ, ինչպէս ըսուած է նախարարի յայտարարութեան մէջ, կը պահուէին տարբեր տեսակի զէնքերու բաղադրիչներ, որոնք հուսիները կ՚օգտագործէին տարածաշրջանին մէջ նաւերու վրայ յարձակելու համար:
Նախարարի խօսքով՝ հարուածի համար օգտագործուած են B-2 Spirit ռմբակոծիչները, որ, ըստ պաշտօնեայի, «ցոյց կու տայ Միացեալ Նահանգներու ընդհանուր հարուածային կարողութիւնները որեւէ պահու, որեւէ վայրի մէջ»:
Associated Press-ը նշած է, որ B-2 Spirit-ը «չափազանց հազուադէպ» կ՚օգտագործուի հուսիներու թիրախներու վրայ յարձակելու համար:
