3.09c
Երեվան
չրք, մրտ 04
«Ընդհանուր առմամբ, մենք չենք աջակցիր ռուսական տարածքի վրայ յարձակումներուն», մեկնաբանելով երկուշաբթի օր Մոսկուայի վրայ անօդաչու թռչող սարքերով յարձակումը` յայտարարած է Սպիտակ տան բանբեր Քարըն Ժան Փիեռ: Այս մասին հաղորդեց «Ազատութիւն» ձայնասփիւռի կայանը:
Ան միեւնոյն ժամանակ նկատած է. «Ասիկա պատերազմ է, որ սկսած է Ռուսիան: Ասիկա անոնց պատերազմն է: Եւ որեւէ պահու կրնան ատոր վերջ տալ` զօրքերը Ուքրանիայէն դուրս բերելով»:
Միացեալ Նահանգներու արտաքին գործոց նախարարութեան բանբեր Մեթիու Միլլըր, իր կարգին, «սահմռկեցուցիչ» կոչած է Օտեսայի, Նիքոլայեւի եւ Ուքրանիոյ հարաւային շրջանին վրայ կատարուած ռուսական յարձակումները, որոնք անցեալ շաբթուընէ ի վեր չեն դադրիր:
