33.09c
Երեվան
հնգ, սպտ 12
Ամերիկայի Միացեալ Նահանգներու իշխանութիւնները լաւ գիտեն Ռուսիոյ Դաշնութեան նախագահ Վլատիմիր Փութինի բոլոր հիմնական ուղերձները, սակայն անոնց կողմէ բանակցելու ցանկութիւն եւ քաղաքական կամք դեռ չկայ՝ յայտարարած է Տմիթրի Փեսքով։
«ԱՄՆ իշխանութիւնները քաջատեղեակ են մեր դիրքորոշման մասին, անոնք քաջատեղեակ են Փութինի բոլոր հիմնական ուղերձներուն մասին»,- ըսած է Քրեմլինի խօսնակը՝ պատասխանելով այն հարցին, թէ արդեօք Փութինի տուած հարցազրոյցը լրագրող Թաքըր Քարլսոնին կ'օգնէ Մոսկուայի տեսակէտը հասցնելու Ուաշինկթընին:
Փեսքովի խօսքով՝ ԱՄՆ պէտք է ցանկութիւն ունենայ բանակցութիւններ ընելու համար:
«Նման ցանկութիւն ու անոր քաղաքական կամքը մենք առայժմ չենք արձանագրեր»,- ընդգծած է ՌԴ նախագահի մամուլի քարտուղարը։
