Ամերիկացի դիւանագէտը կարեւորած է խաղաղութեան հաստատումը տարածաշրջանին մէջ

Ամերիկացի դիւանագէտը կարեւորած է խաղաղութեան հաստատումը տարածաշրջանին մէջ

Մայիս 14-ին Ատրպէյճանի արտաքին գործոց փոխնախարար Էլնուր Մամետովը հեռախօսազրոյց ունեցած է Ամերիկայի Միացեալ Նահանգներու պետական քարտուղարի՝ Եւրոպայի եւ Եւրասիոյ հարցերով օգնականի տեղակալ Էրիքա Օլսընի հետ։ Այս մասին յայտնած է Ատրպէյճանի Արտաքին գործոց նախարարութիւնը։

Հեռախօսազրոյցի ընթացքին քննարկուած են Ատրպէյճանի եւ Միացեալ Նահանգներու երկկողմ յարաբերութիւնները, իրավիճակը տարածաշրջանին մէջ, Ատրպէյճանի եւ Հայաստանի միջեւ յարաբերութիւններու կարգաւորման ուղղուած քայլերը։

Փոխնախարար Էլնուր Մամետովն ըսած է, որ «Ատրպէյճանը շահագրգռուած է գործընթացի յաջող ելքով՝ որպէս յարաբերութիւններու կարգաւորման գլխաւոր նախաձեռնող կողմ, այդ շարքին՝ ապագայ խաղաղութեան համաձայնագրի ստորագրումը»։

Հայաստանի ինքնիշխան տարածքը բռնագրաւած երկրի փոխնախարարն ընդգծած է, որ «Հայաստանի ջանքերը՝ խոչընդոտելու խաղաղութեան գործընթացը, ներառեալ վերջին ռազմական սադրանքները, որոնք յանգեցուցած են սահմանամերձ շրջաններու մէջ զոհերու, նպատակ ունին խաթարել միջազգային բանակցային ջանքերը»:

Էրիքա Օլսըն իր հերթին նշած է «տարածաշրջանի մէջ խաղաղութեան ու կայունութեան հաստատման կարեւորութիւնը, որու համար անհրաժեշտ է խաղաղութեան պայմանագիր կնքել»։ Ան նշած է, որ «ամերիկեան կողմը միշտ պատրաստ է աջակցելու Ատրպէյճանի եւ Հայաստանի միջեւ երկկողմանի բանակցութիւններուն»։

Հեռախօսազրոյցի ընթացքին միտքերու փոխանակութիւն տեղի ունեցած է «փոխադարձ հետաքրքրութիւն ներկայացնող այլ երկկողմ եւ տարածաշրջանային հարցերու շուրջ»։