12.09c
Երեվան
չրք, մյս 06
Ծանր ահաբեկչութիւն մը գրանցուած է ֆրանսական Նիս քաղաքին մէջ, երբ բեռնատար կառք մը ուղղուած է քաղաքի կեդրոնը հաւաքուած բազմութեան մը վրայ: Դէպքը կատարող ահաբեկիչը սպաննուած է ոստիկանութեան կրակներով: Կը հաղորդուի, որ մինչեւ այս պահը զոհերուն թիւը հասած է 80-ի, իսկ վիրաւորեալներունը՝ 130-ի: Ըստ տեղական աղբիւրներու, զոհերուն թիւը կրնայ յաւելեալ բարձրացում գրանցել: Նախագահ Ֆրանսուա Հոլլանտ անմիջապէս մեկնած է արտակարգ իրավիճակներու յատուկ՝ գրասենեակ մօտէն հետեւելու դէպքի զարգացումներուն: Հոլլանտ աւելի ուշ յայտնած է, որ դէպքի վայր պիտի այցելէ՝ զօրակցելու տեղի քաղաքացիներուն: Վարչապետ Մանուէլ Վալս իր կարգին ուղղուած է դէպի Նիս քաղաք: Ահաբեկչութիւնը տեղի ունեցած է, երբ քաղաքացիներ Նիսի մէջ միասին կը տօնախմբէին Ֆրանսայի՝ 14 Յուլիսի ազգային տօնը: Նշենք, որ դէպքը տեղի ունեցաւ ֆրանսայի նախագահի՝ երկրին մէջ պարէտային ժամի յաւելեալ 3 ամիսով երկարաձգման մասին կատարած յայտարարութիւնէն ժամեր անց:
