21.09c
Երեվան
շբթ, սպտ 12
Հայաստանը, դէպի ծով ելք ունենալէ զրկուած ըլլալով հանդերձ, պատմութեան ընթացքին ծնունդ տուած է վարպետ նաւաստիներու: Անոնցմէ ամենանշանաւորը Խորհրդային Միութեան գլխաւոր ռազմական նաւատորմի, ԽՍՀՄ ռազմածովային ուժերու յայտնի ծովակալ Իվան Իսակովն է (Յովհաննէս Իսահակեան) (1894-1967):
Մեր օրերուն Իսակովի իսկական իրաւայաջորդը կը նկատուի անոր հայրենակից, ծովակալ Սերգէյ Աւագեանցը: Սերգէյ Աւագեանց ծնած է 6 ապրիլ 1957-ին, Երեւանի մէջ: Ան աւարտած է «Նախիմով»ի անուան Սեւծովեան բարձրագոյն ռազմածովային դպրոցը (1980 թ.), ստացած է նաեւ ռազմածովային բարձրագոյն յատուկ սպայի դասեր (1991): Ծովակալ Աւագեանց նաեւ շրջանաւարտ է «Կուզնեցով»ի անուան ռազմածովային ակադեմիայի (1998 թ.) եւ Ռուսաստանի Դաշնութեան զինուած ուժերու գլխաւոր շտապի ռազմական ակադեմիայի (2007):
Սերգէյ Աւագեանց իր ռազմական ասպարէզը սկսած էր որպէս «Ամիրալ Եումաշէվ»ի հիւսիսային նաւատորմի հրթիռային եւ հրետանային ռազմամթերանոցի վերահսկման խումբի հրամանատար օգոստոս1 980-ին: 32 տարի անց, 3 մայիս 2012-ին Սերգեյ Աւագեանց նշանակուած է Ռուսաստանի Դաշնութեան Խաղաղ օվկիանոսեան նաւատորմի հրամանատար: 12 դեկտեմբեր 2012-ին, Ռուսաստանի Դաշնութեան նախագահի հրամանագրով` Աւագեանց ստացած է փոխծովակալի (Vice Admiral) զինուորական կոչում, իսկ մէկ տարի ետք՝ ծովակալի (Admiral) կոչում:
Սերգէյ Աւագեանց պարգեւատրուած է «ԽՍՀՄ զինուած ուժերու Հայրենիքին մատուցած ծառայութիւններու համար» 3-րդ աստիճանի պատուոյ շքանշանով, ինչպէս նաեւ «Ռազմական վաստակի» եւ «Ծովու վաստակի» աստիճաններով: Ան նաեւ պարգեւատրուած է «Հայրենիքին մատուցած ծառայութիւններու» երկրորդ աստիճանի մետալով, ինչպէս նաեւ Ռուս ուղղափառ եկեղեցւոյ կողմէ շնորհուած «Սուրբ իշխան Վլատիմիրի հանգստութեան Հազարամեակի յիշատակին» յոբելինական մետալով:
Հայկական ծագումով առաջին նաւաստին համարուած է Ծովակալ Ռոման Ա. Լաքափինը (870 - 948), Բիւզանդիայի կայսրը: Ծովու հանդէպ իր մեծ սիրոյ եւ նուիրումի համար աշխարահռչակ նկարիչ Իվան Այվազովսկին (Յովհաննէս Այվազեան) ստացած է Դերծովակալի (Rear Admiral) կոչում: Յատկանշական է, որ Նովոռոսիյսկ քաղաքի ու նաւահանգիստի հիմնադիրը եղած էր ծովակալ Լազար Մարքովիչ Սերպրրիաքովը (Ղազար Մարկոսովիչ Արծաթագործեան):
Նիւթի աղբիւր՝ HorizonWeekly
